Peter O'Neill i kisim askim long kamapim gavman

Gavana General blong Papua New Guinea i askim pinis care taker praim minista, Peter O'Neill long kamapim nupla gavman long kantri.

 

ABC niusman long Papua New Guinea,  Liam Fox  i ripot olsem tede ilektoral komisina, Andrew Trawen ibin givim ol ofisa risalt blong ileksan igo long Gavana general long Gavman Haus long Konedobu.

Parti blong Peter O'Neill em oli kolim long People's National Congress Party ibin winim 27 ol seats na aninit long loa blong PNG gavana general i askim em long kamapim gavman.

Mr O'Neill itok emi tok oraet long despla askim blong Gavana General.  //I want to thank the people of Papua New Guinea for he confidence they've extended to People's National Congress party.//

Mr O'Neill i kamapim pinis wanpla ko-olisan wantem ol liklik pati, na sampla indipendan memba . Emi tok tu olsem emi gat sapot ikam long 80pla palaman memba.

Palaman bai holim miting long Fraide, we oli ting bai oli makim Mr O'Neill olsem Praim Minista.