Greenpeace i singautim nupela PNG gavman long stretim SABL

Special Agricultural na Business Leases i kamapim bikpela wari tru na trabol insait long Papua New Guinea. Nau lain envairenment grup Greenpeace i putim ol wok painim blong ol igo long nupela Gavman blong kantri.

Ol pipol i protes no laikim SABL. (Martyn Namorong Photo.)

 

Odio: Caroline Tiriman i ripot long askim blong Greenpeace igo long PNG gavman long S.A.B.L enkuairi

Greenpeace Australia Pacific i mekim dispela ol tokaut blong ol insait long wanpela nupela ripot ol i kolim 'Up for Grabs.
Ripot i tok, husait i kisim wok blong nupela Gavman, i mas kuik taim lukluk long wari blong planti hundred ol lan-ona long hau ol 'lease' i kamap nating long giraun blong ol, taim ol ino kisim wanpela gutpela tok save igo long ol.
Ripot blong Greenpeace i galasim ol evidens blong Commission of Inquiry igo insait long SABL, em Gavman ibin igo pas longen.