Australia Jaj bai igo pas long harim ol heve long PNG maining

Long spined sea urchins on a seabed. Nautilus hopes to start mining gold and copper deposits off the coast of PNG. (Credit: ABC) 

Ol i makim foma Chif Jastis blong Australia, Murray Gleeson, long stretim wanpela koros namel long gavman blong Papua New Guinea na kampani blong Canada, Nautilus Minerals.

Dispela koros i pasim ol wok stat blong dispela nambawan gold na kopa main ananit long solowara.

Gavman blong Papua New Guinea i bin sainim wanpela agriment wantaim Nautilus kampani long mun March long kisim 30 pesen share win-mani insait long  Solwara 1 main eria insait long Bismark Sea.

Stat long dispela taim iet, lain envaironment grup i kamapim wanpela bikpela kempein agensim dispela wok main long solowara.

Nautilus na PNG Gavman i sutim tok long wanpela narapela long brukim agriment ol i sainim.

Insait long wanpela statement, Nautilus i tok tupela sait nau i wanbel long makim foma chif Jastis blong Australia, Murray Gleeson long stap insait long dispela koros blong ol.

Dispela arbitration bung bai kamap nau long Sydney na ol i ting bai kisim sampela mun long pinisim,

Nautilus kampani i bilip wok main bai stat long Papua New Guinea long neks yar.

ABC News