PNG ino gat wanpela gutpela sistim blong rekodim domestik violens

Lain Medecins Sans Frontieres, husait i save wok long planti kantri blong wol, ibin mekim ol toktok olsem Papua New Guinea ino gat rekod blong ol bagarap ol meri isave bungim long ol man, olsem wanpela wei blong daunim dispela bikpela heve.

Ol mama long New Ireland Provins, PNG i salim ol fish long market (Credit: Audience Submitted) 

Odio: PNG Dairekta blong Eastern Highlands Family Voice, John Ericho i tok PNG inogat gutpela rekod blong domestic violence

MSF i tok i tok dispela sistim blong rekod oa 'data-keeping' bai halvim long stretim dispela bikpela heve insait long Papua New Guinea.
PNG igo pas long bungim bikpela mak blong ol violens ol meri i save bungim insait long Pacific.
Project coordinator na midwife blong MSF, Ruth Kaufman, i tokim Radio Australia Asia Pacific program olsem, ol PNG meri meri i bungim wankain heve ol meri raun long wol i save bungim.
Eastern Highlands Family Voice, emi beis long Goroka, i save bungim bikpela namba blong ol mama i bungim domestik violens long senta blong ol.
Eksekutiv Dairekta John Ericho i tok, taim em i sapotim ol toktok blong Medecines Sans Frontieres long ino gat 'data-recording' blong dispela bikpela heve blong domestik violens, dispela sistim i tok longpela taim tru na em i hat long sanisim.
Em i tokim Radio Australia Tok Pisin program olsem sanis i mas kamap long ol bos-lain igo daun long ol wokman meri long sanisim wei ol i save wok.